Paris, 17 sentyabr, AZƏRTAC

Milli Assambleyanın Bürosu “Əyilməz Fransa” (La France insoumise-LFİ) siyasi partiyasının Emmanuel Makronun istefası ilə bağlı irəli sürdüyü impiçment prosedurunu məqbul hesab edib.
AZƏRTAC xəbər verir ki, LFİ tərəfindən irəli sürülən təklif 12 səs lehinə və 10 səs əleyhinə olmaqla qəbul edilib.
“Bu təklif və müzakirələr bizim institutlarımıza qarşı müharibə elanıdır", - deyə Milli Assambleya çıxışı zamanı “Respublika naminə birlikdə” (Ensemble pour la République) partiyasından deputatların rəhbəri, sabiq Baş nazir Qabriel Attal bildirib.
Qeyd edək ki, impiçment təklifi hüquq komitəsinə göndəriləcək.