Bakı, 17 sentyabr, AZƏRTAC
"Sumqayıt" komandası üç yeni basketbolçunu transfer edib.
Klubdan AZƏRTAC-a verilən məlumata görə, “kimyaçılar” Derrik Nyuton, Kalen Houkins və Andrey Mateyunası heyətinə qatıb.
2021-ci ildən Gürcüstanda çıxış edən Nyuton ötən mövsüm "Qurcani" klubunda oynayıb. Houkins son olaraq ABŞ təmsilçisi "Alkon Steyt Breyvs”in şərəfini qoruyub. Mateyunasın son klubu isə Rusiyada "SŞOR-Lokomotiv Kuban" olub.