Bakı, 16 sentyabr, AZƏRTAC
“Qəbələ” daha bir transferini gerçəkləşdirib.
Klubun mətbuat xidmətindən AZƏRTAC-a verilən məlumata görə, “qırmızı-qaralar” Elşad Tağıyevlə anlaşıb.
“Qəbələ” akademiyasının yetirməsi olan 23 yaşlı hücumçu ilə 1+1 illik müqavilə imzalanıb. Futbolçu daha öncə “Turan Tovuz” və “Səbail”in əsas komandalarında çıxış edib. “Neftçi”nin əvəzedici heyətində də forma geyinən Elşadın son komandası “Şamaxı” olub.