Göygöl, 15 sentyabr, Elcan Məmmədov, AZƏRTAC
Göygöldə yol qəzası baş verib.
AZƏRTAC-ın bölgə müxbiri xəbər verir ki, hadisə Bakı - Qazax magistral yolunun rayon ərazisindən keçən hissəsində qeydə alınıb. Hərəkətdə olan TIR markalı yük maşını idarəetmədən çıxaraq dəmir arakəsməyə çırpılıb. Qəza zamanı 2 nəfər xəsarət alaraq xəstəxanaya yerləşdirilib. Xəsarət alanlar 1983-cü il təvəllüdlü Ceyhun Məmmədov və 1973-cü il təvəllüdlü Vidadi Məmmədovdur.
Faktla bağlı araşdırma aparılır.