Tovuz, 13 sentyabr, Ruslan Novruzoğlu, AZƏRTAC

Tovuzda 5 yaşlı uşağı avtomobil vurub.
AZƏRTAC xəbər verir ki, hadisə mərkəzi bazarın qarşısında baş verib. Rayonun Abulbəyli kənd sakini Nazim Hümbətov idarə etdiyi "VAZ 21074" markalı nəqliyyat vasitəsi ilə 2019-cu il təvəllüdlü oğlanı vurub. Sürücü dərhal azyaşlını xəstəxanaya çatdırıb. Yaralıya zəruri tibbi yardım göstərilib, vəziyyəti orta ağır qiymətləndirilir.
Faktla bağlı araşdırma aparılır.