Bakı, 5 avqust, AZƏRTAC

İsveçrənin Nyon şəhərində UEFA Konfrans Liqasının pley-off mərhələsinin püşkü atılıb.
AZƏRTAC xəbər verir ki, mərasimdə turnirdəki Azərbaycan təmsilçiləri “Zirə” və “Sabah” klublarının da potensial rəqibləri bəlli olub.
III təsnifat mərhələsində Rəşad Sadıqovun yetirmələri “Osiyek”i (Xorvatiya) mübarizədən kənarlaşdırsa, “Omoniya” (Kipr) – “Fehervar” (Macarıstan) cütünün qalibi ilə, Krunoslav Renduliçin komandası isə İrlandiya təmsilçisi “Sent-Patriks”i üstələsə, “Saburtalo” (Gürcüstan) – “Başakşəhər” (Türkiyə) cütünün qalibi ilə üz-üzə gələcək.
Qeyd edək ki, Konfrans Liqasında pley-off mərhələsinin ilk oyunları avqustun 22-də, cavab qarşılaşmaları isə 29-da keçiriləcək.