ABŞ demokrat seçicilərinin 80 faizindən çoxu Baydenin prezidentlik yarışından imtina etməsini bəyənir
Bakı, 23 iyul, AZƏRTAC
Amerikalı demokrat seçicilərin 80 faizindən çoxu ABŞ Prezidenti Co Baydenin seçki yarışından geri çəkilməsini bəyənir və demək olar, yarısı hesab edir ki, bu, Demokratlar Partiyasının seçkidə qalib gəlmə şansını artıracaq.
AZƏRTAC xarici mediaya istinadla xəbər verir ki, bu barədə “YouGov” tədqiqat şirkəti və “CBS News” telekanalının sorğusundan məlum olub.
Məlumata görə, sorğuda iştirak edən demokrat seçicilərin 83 faizi Baydenin ölkə prezidentliyinə namizədliyini geri götürmək qərarını bəyəndiklərini bildirib. Respondentlərin 45 faizi hesab edir ki, Baydenin yarışdan geri çəkilməsi Demokratlar Partiyasının seçkidə sabiq prezident Donald Trampı məğlub etmək şansını artıracaq.
Qeyd edək ki, iyulun 21-də ABŞ-ın hazırkı Prezidenti Cozef Bayden dövlət başçısı postuna yenidən seçilmək istəmədiyini elan edib və vitse-prezident Kamala Harrisin namizədliyini dəstəklədiyini bildirib. ABŞ-da prezident seçkiləri noyabrın 5-də keçiriləcək.
Tədqiqat: Əlavəsiz qəhvə ölüm riskini azaldır
ABŞ Konqresi əməkdaşlarına vatsapdan istifadəni qadağan edib
“Microsoft” macar dilini süni intellekt sistemlərinə inteqrasiya edəcək
Çexiyada sabiq kommunist funksionerlərin pensiyaları azaldılır
Zelenski Ukraynanın hazırda NATO-ya üzvlüyünün mümkün olmadığını etiraf edib