Quba, 20 iyul, AZƏRTAC

Azərbaycanın 3x3 qadınlardan ibarət “Baku Fleyms” basketbol komandası Qubada keçirilən Dünya Qadın Seriyası ilə vidalaşıb.
AZƏRTAC xəbər verir ki, A qrupunda mübarizə aparan Azərbaycan təmsilçisi növbəti mərhələyə adlaya bilməyib. Komandamız qrupda Niderland, Çin U-24 və Avstraliyaya məğlub olub. Qeyd edək ki, Dünya Seriyasının Quba mərhələsinə iyulun 21-də yekun vurulacaq.