Bakı, 13 iyul, AZƏRTAC
Azərbaycan şahmatçıları Macarıstanın Miskolk şəhərində tələbələr arasında keçirilən 5-ci Avropa Universitet Oyunlarında gümüş medal qazanıblar.
Gənclər və İdman Nazirliyinin mətbuat xidmətindən AZƏRTAC-a verilən məlumata görə, Azərbaycan İdman Akademiyasını təmsil edən Vüqar Manafovla Elmar Atakişiyevdən ibarət komanda blits yarışlarında fəxri kürsünün ikinci pilləsinə qalxıblar.
Onlar daha əvvəl şahmatın rapid növündə 17 komanda arasında birinci yeri tutublar.