Bakı, 13 iyul, AZƏRTAC

İyulun 11-də Bakı şəhəri, Xəzər rayonu, Zirə qəsəbəsi yaxınlığında nəzarətsiz ərazidə dənizdə batmış 2007-ci il təvəllüdlü Ağaşirin Ramin oğlu Ağayevin cəsədi bu gün günorta saatlarında Fövqəladə Hallar Nazirliyinin qüvvələri tərəfindən tapılıb və sudan çıxarılaraq aidiyyəti üzrə təhvil verilib.
AZƏRTAC xəbər verir ki, bu barədə Fövqəladə Hallar Nazirliyinin mətbuat xidməti məlumat yayıb.

12:09
İyulun 11-də axşam saatlarında Bakı şəhəri, Xəzər rayonu, Zirə qəsəbəsi yaxınlığında nəzarətsiz ərazidə dənizdə batmış 3 nəfərdən ikisinin - 2008-ci il təvəllüdlü Amid Asif oğlu Aslanov və 2009-cu il təvəllüdlü Anar Asif oğlu Aslanovun cəsədləri bu gün səhər saatlarında suda tapılaraq aidiyyəti üzrə təhvil verilib.
AZƏRTAC xəbər verir ki, bu barədə Fövqəladə Hallar Nazirliyinin mətbuat xidməti məlumat yayıb.
Batdığı ehtimal olunan üçüncü şəxs – 2007-ci il təvəllüdlü Ağaşirin Ramin oğlu Ağayevin axtarış əməliyyatının daha da intensivləşdirilməsi məqsədilə Fövqəladə Hallar Nazirliyi Aviasiya dəstəsinin 1 ədəd helikopteri də prosesə cəlb olunub. Bununla yanaşı, FHN-in Kiçikhəcmli Gəmilərə Nəzarət və Sularda Xilasetmə Dövlət Xidməti və Xüsusi Riskli Xilasetmə Xidmətinin qüvvələri əməliyyatda iştirak edir.
Əlavə məlumat veriləcək.