Bakı, 21 iyun, AZƏRTAC

Bakı Dövlət Universitetinə (BDU) 50 ixtisas, 249 ixtisaslaşma üzrə 1436 magistrantın qəbulu proqnozlaşdırılır. Növbəti tədris ilində magistratura səviyyəsində Azərbaycan bölməsi üzrə 1055, rus bölməsi üzrə 230, ingilis bölməsi üzrə isə 151 plan yeri nəzərdə tutulub.
Bu barədə AZƏRTAC-a BDU-dan bildirilib.
Bu il BDU-nun magistraturasında 7 yeni ixtisaslaşma açılacaq. Bunlar korreksiyaedici təlimin metodika və metodologiyası, ölkəşünaslıq (Qazaxıstan üzrə), ölkəşünaslıq (Özbəkistan üzrə), ərzaq məhsullarının ekspertizası və marketinqi, şəhər kadastrı, akvabitkilər, mədəniyyət hüququ ixtisaslaşmalarıdır.
2024/2025-ci tədris ili üçün ali məktəblərin magistratura səviyyəsi üzrə ixtisaslaşma seçimi iyunun 30-dək davam edəcək.