×
A
A
A
Sazlamalar

Avro-2024: Fransa millisi Avstriyanı avtoqolla məğlub edib

Bakı, 18 iyun, AZƏRTAC
Almaniyada təşkil olunan futbol üzrə Avropa çempionatında növbəti oyun keçirilib.
AZƏRTAC xəbər verir ki, D qrupunun ikinci matçında turnirin favoritlərindən hesab olunan Fransa millisi Avstriya yığması ilə qarşılaşıb.
Görüşün taleyini bir qol həll edib. Maksimilian Vöberin 38-ci dəqiqədə öz qapısından keçirdiyi top fransızlara minimal hesablı qələbə qazandırıb.
Bu qrupun ilk oyununda Niderland millisi Polşanı 2:1 hesabı ilə məğlub edib.
Qeyd edək ki, Avropa çempionatına iyulun 14-də yekun vurulacaq.

İdman 2024-06-18 01:02:00