Bakı, 17 iyun, AZƏRTAC

Ekologiya və Təbii Sərvətlər Nazirliyi və Azərbaycan Respublikasının Gənclər Fondunun dəstəyi, Azərbaycan Könüllü Təşkilatları İttifaqının təşkilatçılığı ilə növbəti “Go Camp” piknik layihəsi Quba rayonunun Çənlibel gölü ərazisində reallaşıb.
AZƏRTAC xəbər verir ki, layihənin məqsədi könüllülər arasında birliyin təşviqi və şəbəkələşməsi olub.
Azərbaycan könüllüləri layihə çərçivəsində müxtəlif oyunlar və idman yarışları keçiriblər. Daha sonra onlar üçün nahar və çay süfrəsi təşkil olunub. Layihə gənclərin özlərində yeni xüsusiyyətlər kəşf etməsi və xoş anlarla yadda qalıb.
Qeyd edək ki, “Go Camp” piknik layihəsinin davamlı həyata keçirilməsi nəzərdə tutulur.