Bakı, 11 iyun, AZƏRTAC

AMEA-nın Məhəmməd Füzuli adına Əlyazmalar İnstitutunda daxili imkanlar hesabına Qərbi Azərbaycan və Qarabağ əlyazmalarının tədqiqi şöbəsi yaradılacaq.
AZƏRTAC xəbər verir ki, bununla bağlı AMEA Rəyasət Heyətinin növbəti iclasında qərar qəbul edilib. Yeni şöbənin yaradılması Qərbi Azərbaycanın azərbaycanlı əhalisinin və Qarabağın qeyri-maddi mədəni irsinin - əlyazmalarının transliterasiya və tərcümə edilməsi, sistemləşdirilməsi, nəşri, tədqiqi və təbliği istiqamətində fəaliyyətin gücləndirilməsi məqsədi daşıyır.