Naxçıvan, 26 may, AZƏRTAC

Dövlət İmtahan Mərkəzi II və III ixtisas qrupları üzrə ali təhsil müəssisələrinə qəbul imtahanı keçirib. İmtahan respublikanın 22 şəhər və rayonunda təşkil edilib.
AZƏRTAC-ın Naxçıvan bürosu xəbər verir ki, muxtar respublikada keçirilən imtahanda ümumilikdə 2318 abituriyent iştirak edib. İmtahanın idarə olunmasına 30 rəhbər, 227 nəzarətçi ayrılıb. İmtahan saat 10:00-da başlanıb və 3 saat davam edib.