Kiyev, 23 may, AZƏRTAC

Ukrayna Rusiyanın müvəqqəti işğal etdiyi ərazilərdən daha 13 uşağı ailələri ilə birlikdə geri qaytarıb.
AZƏRTAC xəbər verir ki, bu barədə Ukrayna Prezidentinin Ofisi Aparatının rəhbəri Andrey Yermak teleqram hesabında məlumat yayıb.
Onun sözlərinə görə, 7 uşaq ailələri ilə birlikdə işğal olunmuş ərazilərdən, daha 6 uşaq isə Ukrayna Prezidentinin uşaqları geri qaytarması ilə bağlı təsdiq edilmiş tədbirlər planının icrası çərçivəsində geri qaytarılıb.
Qayıdandan sonra bütün ailələr Uşaq Hüquqlarını Müdafiə Mərkəzinə baş çəkiblər və orada artıq öz vəziyyətləri barədə səlahiyyətli orqanlara danışıblar.
Emil Hüseynli
AZƏRTAC-ın xüsusi müxbiri
Kiyev