Şirvan, 18 may, AZƏRTAC

Şirvan Şəhər Polis Şöbəsinin əməkdaşları evlərdən və obyektlərdən oğurluq etməkdə şübhəli bilinən şəhər sakini, əvvəllər narkotiklərə görə məhkum olunmuş Vüsal Həşimovu saxlayıblar.
Daxili İşlər Nazirliyinin mətbuat xidmətinin Şirvan regional qrupundan AZƏRTAC-ın bölgə müxbirinə verilən məlumata görə, araşdırmalar zamanı onun ümumilikdə 6 ev və obyektdən oğurluq edərək, zərərçəkmişlərə 5000 manatdan artıq maddi ziyan vurduğu müəyyənləşib.
Faktla bağlı Şirvan ŞPŞ-nin İstintaq Bölməsində cinayət işi başlanıb, saxlanılan şəxs barəsində həbs qətimkan tədbiri seçilib. Araşdırmalar davam etdirilir.