Azərbaycan Çində beynəlxalq mədəniyyət festivalında təmsil olunub
Pekin, 8 may, AZƏRTAC
Çinin Cıcian Pedaqoji Universitetində keçirilən 16-cı beynəlxalq mədəniyyət festivalında Azərbaycan stendində milli mətbəximizin nümunələri, mədəniyyətimizi və tariximizi əks etdirən kitablar, suvenirlər və digər materiallar təqdim edilib.
AZƏRTAC xəbər verir ki, “Bir-birimizdən öyrənək, birlikdə inkişaf edək” devizi altında keçirilən festivalda universitetdə təhsil alan və 40-dan çox ölkəni təmsil edən tələbələr, o cümlədən azərbaycanlı tələbələr milli mədəniyyətlərini nümayiş etdiriblər. Milli geyimdəki tələbələrimiz Azərbaycan stendini ziyarət edənlərə ölkəmizin tarixi, müasir inkişafı haqqında məlumat veriblər.
Festival ilə yanaşı, BMT tərəfindən elan olunan Beynəlxalq Çin Dili Günü münasibətilə “Gənc çinşünasların dialoqu” adlı elmi tədbir də keçirilib. Pekin Xarici Dillər Universitetinin Azərbaycan dili kafedrasının müdiri, fəlsəfə doktoru Aqşin Əliyev universitetin Çin dili ixtisası üzrə təhsil alan tələbələri ilə görüşüb, onları maraqlandıran suallara cavab verib.
Şahin Cəfərov
AZƏRTAC-ın xüsusi müxbiri
Pekin
Rus Dram Teatrının səhnəsində yeni premyera olub
Hüseyn Arifin anadan olmasının 100 illiyi münasibətilə “Arxada qalan illər” adlı kitab nəşr edilib
Azərbaycanda Tacikistan Mədəniyyəti Günləri başlanır
Romada Azərbaycan musiqisindən ibarət konsert olub
Gənc Tamaşaçılar Teatrında “Mənim ağ göyərçinim” tamaşası nümayiş edilib