AZƏRTAC-ın fotomüxbirinin fotoşəkilləri iki beynəlxalq müsabiqənin qızıl medalına layiq görülüb
Bakı, 7 may, AZƏRTAC
AZƏRTAC-ın fotomüxbiri İlqar Cəfərovun fotoşəkilləri Serbiyada keçirilən iki beynəlxalq fotomüsabiqənin qızıl medalına layiq görülüb.
Beynəlxalq Fotoqrafiya Sənəti Federasiyası (FIAP) tərəfindən keçirilən “Photo STAR 2024” fotomüsabiqəsinə dünyanın 40 ölkəsindən 102 iştirakçının 1790 fotoşəkli təqdim olunub. FIAP-ın qızıl medalına İlqar Cəfərovun “Emotions of a weightlifter” fotoşəkli layiq bilinib.
“Gold shadow 2024” fotomüsabiqəsində isə fotomüxbirin "Athlete Willpower" fotoşəkli DIPA-nın (Danube International Photo Assotiation) qızıl medalına layiq bilinib.
Qeyd edək ki, fotoşəkillər mükafatlara “Fotojurnalistika” nominasiyasında layiq görülüb və 2016-cı ildə Braziliyada keçirilən Olimpiya və Paralimpiya oyunlarında çəkilib.
Rus Dram Teatrının səhnəsində yeni premyera olub
Hüseyn Arifin anadan olmasının 100 illiyi münasibətilə “Arxada qalan illər” adlı kitab nəşr edilib
Azərbaycanda Tacikistan Mədəniyyəti Günləri başlanır
Romada Azərbaycan musiqisindən ibarət konsert olub
Gənc Tamaşaçılar Teatrında “Mənim ağ göyərçinim” tamaşası nümayiş edilib