AQTA bitki zərərvericiləri ilə mübarizəyə dair yeni videoçarx hazırlayıb
Bakı, 6 may, AZƏRTAC
Azərbaycan Qida Təhlükəsizliyi Agentliyi (AQTA) bitki zərərvericilərinin yayılması zamanı yarana biləcək fəsadlara dair yeni videoçarx hazırlayıb.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, videoçarxda zərərverici və xəstəliklərin, eləcə də iqlim dəyişikliklərinin qida bitkilərinin məhsuldarlığına vurduğu ziyan haqqında məlumat verilib.
Eyni zamanda videoçarxda zərərvericilərə qarşı zəruri mübarizə tədbirlərinin aparılmamasının məhsul itkisinə və iqtisadi zərərlərə səbəb ola biləcəyi bildirilib. Həmin halların baş verməməsi üçün ilk növbədə profilaktik tədbirlərin həyata keçirilməsinin, zərurət yarandığı təqdirdə isə uyğun pestisid tətbiq edilməsinin vacib olduğu vurğulanıb. Sağlam bitkilərin sağlam ətraf mühit şəraitində inkişaf edə biləcəyi önə çəkilib.
Qeyd edək ki, sahibkarlıq subyektləri həmin videoçarx vasitəsilə bitki zərərvericilərinin yayılması zamanı yarana biləcək fəsadlar və bitki xəstəlikləri ilə mübarizə üsulları barədə ətraflı məlumat əldə edə biləcəklər.
https://www.youtube.com/watch?v=t8WstixNRNQ&t=7s
BƏƏ Prezidenti humanitar fəaliyyətinə görə mükafata layiq görülüb
DSX-nin birləşmə və hərbi hissələrində gənc əsgərlərin andiçmə mərasimi keçirilib
İslam Əməkdaşlıq Təşkilatı ölkələrinin Gənc Sahibkarların 10-cu Beynəlxalq Kazan Forumu başa çatıb
Polkovnik: Heç bir qüvvə Azərbaycanda xalq-ordu birliyinə xələl gətirə bilməz