Bakı, 6 may, AZƏRTAC
Avstraliyada “Qantas” aviaşirkəti planlaşdırılmayan reyslərə bilet satdığı və ləğv olunan reyslərlə bağlı müştəriləri xəbərdar etmədiyi üçün cərimələnib.
AZƏRTAC xəbər verir ki, dövlət qurumlarının yoxlaması şirkətin uzun müddətdir belə saxtakarlıqlara yol verdiyini aşkara çıxarıb. Şirkət bu əməlinə görə 100 milyon Avstraliya dolları (təxminən 120 milyon manat) cərimələnib. Bundan əlavə “Qantas” planlaşdırılmayan reyslər üçün bilet satdığı müştərilərinə də 20 milyon Avstraliya dolları təzminat ödəməlidir.