“Neftçi”nin baş məşqçisi azarkeşlərdən üzr istəyib
Bakı, 4 may, AZƏRTAC
Çox məyusam. Azarkeşlərdən üzr istəyirəm. Təəssüf ki, rahat şəkildə məğlub olduq. Qırmızı vərəqədən sonra hər şey bəlli idi.
AZƏRTAC xəbər verir ki, bu sözləri "Neftçi"nin baş məşqçisi Miodraq Bojoviç Azərbaycan Premyer Liqasının XXXIII turunda səfərdə "Qarabağ"a 0:5 hesabı ilə məğlub olduqları oyundan sonra təşkil edilən mətbuat konfransında deyib.
O, oyundan əvvəl "Qarabağ"ı məğlub edəcəklərini düşündüyünü bildirib: "Rəqibin bundan əvvəl keçirdiyi matçlara baxmışdıq. Ancaq səhvlərimiz çox oldu. Bunların üzərində işləməliyik. Düşünürdük ki, mərkəzdə topu saxlamaqla nələrisə edə bilərik, lakin Ağdam klubu bizə qarşı tamamilə fərqli hazırlaşmışdı”.
"Neftçi"nin baş məşqçisi heyətlərində texnikalı oyunçuların olduğunu söyləyib: "Ancaq təkbətək mübarizələrdə çətinlik çəkirik. Bu da böyük oyunlarda problem yaşamağımıza səbəb olur".
Rumıniyalı voleybolçu: Azərbaycan millisinə hörmətimiz sonsuzdur
Azərbaycanda ilk dəfə xizək alpinizmi üzrə Dünya Kuboku keçiriləcək
Azərbaycan Premyer Liqası: İki oyuna əcnəbi VAR hakimi təyin olunub
Klublardan AFFA-nın qərarına münasibət: Hakimin əcnəbi və ya yerli olması önəm kəsb etmir
Azərbaycan millisinin voleybolçusu: Bu cür turnirlər komandanın inkişafına müsbət təsir edəcək