Türkiyədə “Qərbi Azərbaycandan məcburi köç” mövzusunda tədbir keçiriləcək
Bakı, 4 may, AZƏRTAC
Türkiyədə “Qərbi Azərbaycandan məcburi köç” mövzusunda simpozium keçiriləcək.
Milli Məclisin Mətbuat və ictimaiyyətlə əlaqələr şöbəsindən AZƏRTAC-a bildirilib ki, Parlamentin Ailə, qadın və uşaq məsələləri komitəsinin sədri Hicran Hüseynova və deputat Naqif Həmzəyev tədbirdə iştirak üçün mayın 6-da Türkiyənin paytaxtı Ankaraya səfər edəcəklər.
Tədbir Qazi Universiteti, Türk Dünyası Tətbiq və Araşdırma Mərkəzi, Türkiyə-Azərbaycan dostluq, əməkdaşlıq və həmrəylik fondu və Mədəniyyətlərarası Şəbəkə Dərnəyinin təşkilatçılığı ilə həyata keçiriləcək.
Toplantıda mövzu ilə bağlı tarixi faktlardan danışılacaq, həqiqətləri əks etdirən sənədlər təqdim olunacaq, doğma yurdlarından qovulmuş azərbaycanlıların geri qayıtması məsələsinə toxunulacaq.
“Yaşıl dünya naminə həmrəylik” Çində təbliğ edilib
Azərbaycanla Kuba arasında COP29-la bağlı fikir mübadiləsi aparılıb
Belarus Prezidenti Aleksandr Lukaşenkonun Azərbaycana dövlət səfəri başa çatıb
Belarus Prezidentinin Füzuliyə və Şuşaya səfəri iki ölkə arasında əsl dostluğun nümunəsidir ŞƏRH