Film Fondunda Cəfər Cabbarlının 125 illik yubileyi qeyd edilib
Bakı, 2 may, AZƏRTAC
Mayın 2-də Azərbaycan Dövlət Film Fondunda Mədəniyyət Nazirliyi və Kino Agentliyinin dəstəyi ilə görkəmli kinodramaturq, kinoşünas, rejissor Cəfər Cabbarlının 125 illik yubileyi münasibətilə tədbir keçirilib.
Fonddan AZƏRTAC-a bildirilib ki, tədbir çərçivəsində sənətkarın həyat və yaradıcılığını özündə əks etdirən fotosərginin açılışı olub.
Yubiley mərasimini giriş sözü ilə Azərbaycan Dövlət Film Fondunun direktoru Əməkdar incəsənət xadimi Cəmil Quliyev açaraq milli kinematoqrafiyamızın inkişafında C.Cabbarlının əvəzsiz xidmətlərindən, “Sevil” filminin çəkilişi zamanı məhz onun səyi ilə azərbaycanlı aktrisanın ekrana gətirilməsindən danışıb. Sonra Əməkdar incəsənət xadimləri Aydın Kazımzadə, Cahangir Zeynallı, professor Asif Rüstəmli, Əməkdar müəllim Nəcməddin Mürvətov görkəmli ədəbiyyat və kino xadimini xoş sözlərlə xatırlayıblar. Sənətkarın ailə üzvləri adından nəvəsi Qəmər Seyfəddinqızı çıxış edərək tədbirin təşkilinə, C.Cabbarlının 80 illiyi münasibətilə çəkilmiş sənədli filmin bərpasına görə Dövlət Film Fondunun rəhbərliyinə və kollektivinə təşəkkürünü bildirib.
Tədbirin sonunda kinorejissor Cahangir Zeynallının C.Cabbarlıya həsr etdiyi “Solmaz bir bahar kimi” filmi tamaşaçılara təqdim olunub. 1979-cu ildə “Azərbaycanfilm” kinostudiyasında istehsal olunmuş film Dövlət Film Fondu tərəfindən bərpa edilib.
Azərbaycanın turizm imkanları Çində sərgilənir
Milli Teatrda “İblis” tamaşasının məşqlərinə başlanılıb
Azərbaycandan olan gənc skripkaçı Dinu Lipatti adına müsabiqənin mütləq qalibi olub
AZƏRBAYCANIN GƏNC MUSİQİÇİLƏRİ
Cəmil Sədizadə
Musiqi Mədəniyyəti Dövlət Muzeyində “Muzeydən təhsilə” adlı tədbir keçirilib