Azərbaycan XXIV Beynəlxalq Qara dəniz Teatr Festivalında təmsil olunacaq
Ankara, 30 aprel, AZƏRTAC
Mayın 2-də Trabzonda öz işinə başlayan XXIV Beynəlxalq Qara dəniz Teatr Festivalının proqramına Türkiyənin 11 bölgəsindən olan kollektivlərlə yanaşı, Azərbaycan, Gürcüstan, Qazaxıstan, İspaniya və Yunanıstandan olan sənət ustalarının çıxışları daxil edilib.
AZƏRTAC xəbər verir ki, bu barədə Trabzon Dövlət Teatrının direktoru Əhməd Uzuner məlumat verib.
Onun sözlərinə görə, festival Trabzon Dövlət Teatrının quruluşunda “Cənab Puntila və onun xidmətçisi Matti” komediya tamaşası ilə açılacaq.
Trabzon sakinləri və tədbirin qonaqlar festival çərçivəsində 25 tamaşaya baxa biləcəklər.
Teatrın direktoru vurğulayıb ki, gənc nəslin teatr sənətinə marağının artırılması məqsədilə uşaq tamaşalarına xüsusi diqqət yetiriləcək.
Türkiyə Dövlət Teatrları İdarəsinin təşkilatçılığı ilə keçirilən festival mayın 15-dək davam edəcək.
Ramin Abdullayev
AZƏRTAC-ın xüsusi müxbiri
Ankara
Malayziyalı tələbələr Azərbaycan mədəniyyəti haqqında məlumatlandırılıblar
Füzuli Dövlət Dram Teatrında hazırlanan uşaq tamaşasının premyerası olacaq
Yuliys Straume-150: Naxışlar fərqli mədəniyyətlərdə
Mədəniyyət naziri tacikistanlı həmkarı ilə görüşüb
Azərbaycanın milli-mənəvi dəyərləri növbəti Etnosport Mədəniyyət Festivalında nümayiş olunacaq