BANM-in tələbəsi eyni vaxtda ABŞ-ın 6 nüfuzlu universitetinə qəbul olub
Bakı, 30 aprel, AZƏRTAC
Bakı Ali Neft Məktəbinin (BANM) kimya mühəndisliyi ixtisası üzrə V kurs tələbəsi Nihad Əhmədli 4-ü tam təqaüdlü olmaqla, ümumilikdə ABŞ-ın 6 universitetinin birbaşa doktorantura səviyyəsinə qəbul olub.
Bu barədə AZƏRTAC-a BANM-dən məlumat verilib.
Tələbənin təqaüd qazandığı universitetlər Hyuston Universiteti, Luiziana Universiteti, Kansas Universiteti və Tulsa Universitetidir. O, Mərkəzi Florida Universiteti və Nyu-Hempşir Universitetinə də qəbul alıb.
N.Əhmədli təhsilini Hyuston Universitetində davam etdirəcək, həmçinin burada tədqiqatçı köməkçisi olaraq çalışacaq. Onun buradan qazandığı illik təqaüdün məbləği 55.000 ABŞ dollarıdır.
Nihad Əhmədli BANM-in fəal tələbələrindən biridir. O, 2019-cu ildə BANM-ə 638.3 balla qəbul olub. “TEKNOFEST 2023” yarışının finalçılarından biri olub. SOCAR-ın bir sıra müəssisələrində, həmçinin digər şirkətlərdə təcrübə keçib.
BP ibtidai siniflərin inklüziv tədris bacarıqlarının inkişafına dəstək olub
Qabiliyyət imtahanlarında iştirak etmək istəyən bakalavrların nəzərinə
“Türk dünyası” II Beynəlxalq Tələbə Tamaşaları Festivalının açılışı olub