Pakistan Azərbaycana COP29-la bağlı texniki təcrübə təklif edib
Bakı, 30 aprel, AZƏRTAC
Pakistan Baş nazirinin iqlim dəyişikliyi və ətraf mühitin əlaqələndirilməsi üzrə koordinatoru Romina Xurşid Alam və Azərbaycan Respublikasının Pakistandakı səfiri Xəzər Fərhadov bu ilin noyabrında keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasını (COP29) müzakirə ediblər.
AZƏRTAC xəbər verir ki, tərəflər COP-dan əvvəl və sonrakı dövr üçün sıx əməkdaşlığı davam etdirəcəklərini bildiriblər.
Görüş zamanı Pakistan Azərbaycana COP29 ilə bağlı tələb olunan texniki təcrübəni təklif edib. Səfir Pakistanın təklifinə görə təşəkkür edib, Bakı və İslamabad əlaqələrini yüksək qiymətləndirdiyini bildirib.
Görüşdə biznesin, ticarətin və davamlı inkişafın gücləndirilməsi üçün əməkdaşlıq səylərinin davam etdiriləcəyi ifadə olunub.
® “Bakcell”in baş icraçı direktoru Müasir Təhsil Kompleksinin şagirdləri ilə görüşüb
® “STP Şirkətlər Qrupu” Qarabağ bölgəsində qurulan yeni stansiyanı avadanlıqla təchiz edib
AMB: Bugünkü hərracda tələb 80 milyon dollara yaxın olub
Azərbaycanda zərgərlik üzrə yeni dövlət standartları qəbul edilib