“Volkswagen”in gəlirləri 20 faiz aşağı düşüb
Bakı, 30 aprel, AZƏRTAC
Almaniyanın “Volkswagen” avtomobil şirkətinin gəlirləri 2024-cü ilin birinci rübündə ötən ilin müvafiq dövrü ilə müqayisədə 20 faiz azalıb.
AZƏRTAC xəbər verir ki, bu barədə avtomobil konserninin mətbuat üçün məlumatında bildirilir.
“Volkswagen”in əməliyyat gəliri 2024-cü ilin yanvar-mart aylarında 4,59 milyard avro təşkil edib, 2023-cü ilin eyni dövrü üzrə bu göstərici 5,75 milyard avro olmuşdu. Konsernin əməliyyat rentabelliliyi əvvəlki ildəki 7,5 faizə qarşı 6,1 faizə enib.
2024-cü ilin birinci rübündə şirkət dünyaya 2,1 milyon avtomobil ixrac edib. Bu göstərici bir il əvvəlki illə müqayisədə 2 faiz aşağıdır. Maşınların satış artımı təkcə Cənubi Amerikada (19 faiz) və Asiya-Sakit okean regionunda (2 faiz) müşahidə olunub. Şimali Amerikada “Volkswagen” satışı 10 faiz, dünyanın digər ölkələrində isə 5 faiz aşağı düşüb.
Gürcüstanın Seçki Məcəlləsinə dəyişikliklər olunacaq
Alman iqtisadçılarının proqnozları bədbindir
Pakistanın Pəncab əyalətində məktəblər bir həftəlik bağlanacaq
ŞƏT Xarici İşlər Nazirləri Şurası Astanada son regional prosesləri müzakirə edir
Ermənistanın hakim partiyası Paşinyanın istefasını müzakirə etmək niyyətində deyil