İsveç polisi “Eurovision” müsabiqəsinin təhlükəsizliyini dronlarla qoruyacaq
Bakı, 30 aprel, AZƏRTAC
İsveçin Malmö şəhərindəki “Malmö Arena” idman-əyləncə kompleksində keçiriləcək “Eurovision” mahnı müsabiqəsi zamanı təhlükəsizlik həm yerüstü videokameralar, həm də pilotsuz uçuş aparatları vasitəsilə təmin olunacaq.
AZƏRTAC xəbər verir ki, bu barədə İsveç Polis Departamentinin press-relizində deyilir.
İsveçin təhlükəsizlik xidmətləri 23 səhifəlik xüsusi hesabatda müsabiqəyə təhdidlərin siyahısını təqdim edib. Onların sırasına kiber-hücumlar, vətəndaş itaətsizliyi və televiziya efirlərinin ələ keçirilməsi də daxildir.
Hüquq-mühafizə orqanları, həmçinin nümayəndələri müsabiqədə iştirak edən İsrailə qarşı etiraz aksiyalarının keçirilməsi ehtimalını da əsas götürür. Belə ki, Malmödə fəaliyyət göstərən “Fələstin qrupu” ictimai təşkilatı artıq on minlərlə insanın iştirakı ilə nümayişlər təşkil etmək niyyətində olduğunu açıqlayıb.
Türkiyə parlamentinin spikeri azərbaycanlı gəncləri qəbul edib
Böyük Britaniya Şimali Koreyaya və Rusiyaya qarşı sanksiyalar siyahısını genişləndirib
Fransa Yeni Kaledoniyaya əlavə polis qüvvələri göndərib
Rusiya səfiri: Britaniya Ukrayna müharibəsinin “de-fakto” iştirakçısıdır
Moskvada Qazaxıstan və Rusiya arasında sərhədlərin demarkasiya planı müzakirə olunub