Xalq artisti Hacı İsmayılovun 80 illik yubileyi münasibətilə tədbir təşkil olunub
Bakı, 30 aprel, AZƏRTAC
Cəfər Cabbarlı adına Azərbaycan Dövlət Teatr Muzeyində görkəmli teatr və kino aktyoru, “Şöhrət” ordenli, Xalq artisti Hacı İsmayılovun 80 illik yubileyinə həsr olunan tədbir təşkil olunub.
AZƏRTAC xəbər verir ki, tədbirdə çıxış edən muzeyin direktoru, Əməkdar mədəniyyət işçisi Sevinc Mikayılova, professor, Əməkdar incəsənət xadimi Məryəm Əlizadə, Xalq artistləri Ramiz Həsənoğlu, Mərahim Fərzəlibəyov, İlham Namiq Kamal, Cəfər Namiq Kamal, Həmidə Ömərova, Əli Nur, sənətsevər Vasif Ayan və aktyorun digər sənət dostları sənətkarla bağlı xatirələrini bölüşüblər.
Əməkdar artist Zakir Əliyev ifa etdiyi musiqi nömrələri ilə qonaqların zövqünü oxşayıb.
Tədbir çərçivəsində muzeyin fondunda qorunan, aktyorun həyat və yaradıcılığını əks etdirən eksponatlardan hazırlanan videoçarx, həmçinin tamaşalar və bədii filmlərdə canlandırdığı obrazlardan ibarət fraqmentlər nümayiş olunub.
“Şəhidi şəhidimiz, bayrağı bayrağımız” - ədəbi-bədii gecə
Mədəniyyət Nazirliyinin tabeliyindəki müəssisələrin rəhbərləri üçün təlimlər yekunlaşıb
Sabah muzeylərdə “Açıq qapı” günü olacaq
Türkiyədə arxeoloji qazıntı və tədqiqatların sayının 2026-cı ilə qədər 800-ə çatacağı gözlənilir
Təranə Yusifova: Cahangir Cahangirovun musiqisi o qədər əsrarəngizdir ki...