Bişkekdə “Zəfər çələngi” kitabı işıq üzü görüb
Bakı, 14 aprel, AZƏRTAC
Qırğızıstanın paytaxtı Bişkekdə fəaliyyət göstərən Türkdilli dövlətlərin siyasətinə dəstək fondunun sifarişi ilə “Zəfər çələngi” adlı kitab işıq üzü görüb.
Bu barədə AZƏRTAC-a Fondun prezidenti, tanınmış ictimai xadim Nüsrət Məmmədov məlumat verib.
Bildirilib ki, Prezident İlham Əliyevin 20 illik prezidentlik fəaliyyətinə həsr olunmuş nəşrdə Azərbaycan-Qırğızıstan münasibətlərinə, eləcə də dövlətimizin başçısının gördüyü titanik işlərə nəzər salınıb.
“Uluu Toolor” nəşriyyatında Azərbaycan dilində 500 nüsxə ilə çap olunan kitab geniş oxucu kütləsi üçün nəzərdə tutulub.
Kitabın həmmüəllifləri professor, siyasi elmlər doktoru Cümşüd Nuriyev, siyasi elmlər üzrə fəlsəfə doktoru Şəbnəm Nuriyeva, baş müəllim Mayıl Orucov və dosent Sevinc İbrahimovadır.
Qeyd edək ki, bu, Türkdilli dövlətlərin siyasətinə dəstək fondu tərəfindən nəşr olunan 160-cı kitabdır.
XTNS-də Azərbaycanın faşizm üzərində qələbəyə verdiyi töhfəyə həsr olunmuş tədbirlər keçiriləcək
Azərbaycan və Türkiyə ombudsmanları arasında görüş keçirilib
Monitorinqlər davam etdirilir: 145 müəssisədə nöqsanlar aşkarlanıb
Ailə, Qadın və Uşaq Problemləri üzrə Dövlət Komitəsində uqandalı nazirlə görüş keçirilib