Bakı, 12 aprel, AZƏRTAC

Futbol üzrə Azərbaycan Premyer Liqasında XXX tura start verilib.
AZƏRTAC xəbər verir ki, ilk oyun günündə bir qarşılaşma baş tutub.
Açılış matçında "Sumqayıt" doğma meydanda "Zirə" ilə üz-üzə gəlib. Mehdi Hüseynzadə adına Sumqayıt şəhər stadionunda keçirilən görüşdə qalib müəyyənləşməyib.
Bu nəticədən sonra xallarını 46-ya çatdıran paytaxt klubu 2-ci pillədəki mövqeyini qoruyub. "Gənclik şəhəri" təmsilçisi isə 44 xalla 3-cü sıraya yüksəlib.
Qeyd edək ki, turun digər görüşləri aprelin 13-14-də baş tutacaq.