Ömər Faiq Nemanzadəyə həsr olunmuş tədbir keçirilib
Bakı, 10 aprel, AZƏRTAC
Xəzər Universitetində Dillər və ədəbiyyatlar departamentinin və “Çapar” yayın evinin birgə təşkilatçılığı ilə Azərbaycan ictimai fikrinin inkişafında, milli mədəniyyətimizin tərəqqisində, yeni idealların möhkəmlənməsində mühüm rol oynamış, görkəmli ziyalı, böyük maarifçi Ömər Faiq Nemanzadənin həyat və yaradıcılığına həsr olunmuş tədbir keçirilib.
AZƏRTAC xəbər verir ki, Xəzər Universitetinin Dillər və ədəbiyyatlar departamentinin müdiri, dosent Dilbər Zeynalova tədbiri açaraq Ömər Faiq əfəndinin Azərbaycan publisistikasının inkişafında əvəzsiz xidmətlərindən danışıb, onun mollanəsrəddinçilərin ideya rəhbərlərindən biri olduğunu xüsusi vurğulayıb.
Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı çıxışında “Molla Nəsrəddin” jurnalının təsis edilməsində Ö.F.Nemanzadənin rolundan, əməkdaşlıq etdiyi “Şərqi-Rus” qəzetində, sonra isə Tiflisdə “Qeyrət” mətbəsində, “Molla Nəsrəddin” jurnalındakı fəaliyyətindən, keçdiyi həyat yolundan və xatirələrindən ətraflı söz açıb. O, Faiq əfəndinin təkcə maarifçi-demokratik ideyaların carçısı, publisist, mətbuat nümayəndəsi olmadığını, onun həm də bir təhsil işçisi, müəllim və maarifçilik ideyalarını təbliğ edən vətənpərvər olduğunu bildirib. Hamlet İsaxanlı Ö.F.Nemanzadənin varislərinin, xüsusilə onun irsinin yorulmaz təbliğatçısı, hazırda Böyük Britaniyada Azərbaycan diasporunun nümayəndəsi Ülviyyə Pepinovanın fəaliyyətini yüksək qiymətləndirib.
Sonra ”Çapar” dərgisinin və Çapar yayınlarının təsisçisi Yusif İlhamoğlu jurnalın Ö.F.Nemanzadəyə həsr olunmuş xüsusi buraxılışlarından danışıb.
Sonda H.İsaxanlı tələbələrin suallarını cavablandırıb və iştirakçılara təşəkkürünü bildirib.
Azərbaycan Texniki Universitetində Abituriyent Məsləhət Mərkəzi yaradılıb
Aprel ayı ərzində BŞTİ-yə 5 mindən çox müraciət daxil olub
AMEA: Akademik Həsən Əliyevə məxsus sənədlər elmi irs fonduna daxil edilib
ATMU tələbələri peşəkar bacarıq və karyera imkanlarından faydalanmaqda maraqlıdırlar
Gələn ay müəllimlərin sertifikatlaşdırılması imtahanı keçiriləcək