Yeni gələn çağırışçıların hərbi hissələrdə qəbulu davam edir
Bakı, 9 aprel, AZƏRTAC
Prezident İlham Əliyevin müvafiq Sərəncamının icrası ilə bağlı Azərbaycan Ordusunun təlim hərbi hissələrində gənc əsgərlərin qəbulu prosesi davam edir. Hərbi hissələrin qəbul məntəqələrində qeydiyyatdan keçdikdən sonra çağırışçılar tibb məntəqələrində hərbi həkim komissiyası tərəfindən təkrar müayinə olunurlar. Sonra mövsümə uyğun hərbi geyim və digər təminat növləri ilə təmin edilirlər.
Müdafiə Nazirliyinin mətbuat xidmətindən AZƏRTAC-a verilən məlumata görə, təlim hərbi hissələrində gənc əsgərlərin hazırlığı proqramına uyğun olaraq çağırışçılarla fərdi hazırlıq məşğələləri keçirilir, onlara hərbi xidmətin xüsusiyyətləri, təhlükəsizlik qaydaları, nizamnamələrin tələbləri çatdırılır.
Ölkəmizdə mövsümü xarakter daşıyan respirator virus infeksiyalarına yoluxma halları nəzərə alınaraq gənc əsgərlərin ailə üzvləri və yaxınları ilə görüşü məhdudlaşdırılıb.
Vətəndaşlardan hərbi qulluqçularımızın sağlamlığına xüsusi diqqət yetirilməsi, şəxsi heyətin respirator virus infeksiyalarına yoluxma hallarının qarşısının alınması məqsədilə görülən tədbirləri anlayışla qarşılaması və hərbi hissələrə getməmək xahiş olunur.
Tank bölmələri ilə intensiv döyüş hazırlığı məşğələləri keçirilir VİDEO
Müdafiə Nazirliyi: Tank bölmələri ilə intensiv döyüş hazırlığı məşğələləri keçirilir VİDEO
Hərbi vəzifəlilərin növbəti təlim toplanışı başlayıb
Hərbi Dəniz Qüvvələrinin NATO-nun nümayəndələri ilə görüşü keçirilib
Hərbi attaşelər DİN Daxili Qoşunlarının Ali Hərbi Məktəbini ziyarət ediblər