Gəncə, 6 aprel, AZƏRTAC

Azərbaycan Dövlət Aqrar Universitetində (ADAU) rəhbərliyin təşəbbüsü ilə ali təhsil müəssisəsinin əməkdaşları üçün iftar süfrəsi açılıb.
AZƏRTAC-ın bölgə müxbiri xəbər verir ki, çıxış edən universitetin rektoru Zəfər Qurbanov Ramazan ayında iftar süfrələrinin açılmasının cəmiyyətimizin vahidliyinə, ümumi məqsədlər naminə ölkəmizdə dövlətlə din arasında sıx birliyə bariz nümunə olduğunu söyləyib.
Sonra ADAU əməkdaşları – Hacı Bəhmən Əliyev və Hacı Firudin Qurbanov çıxış edərək Ramazan ayının fəzilətləri barədə danışıb, dualar ediblər.