“Qızıl Şah 2024” respublika çempionatının Qəbələ üzrə seçim turunun qalibləri müəyyənləşib
Qəbələ, 6 aprel, Mustafa Dadaşov, AZƏRTAC
Qəbələ Dövlət Peşə Təhsil Mərkəzini “Qızıl Şah 2024” IV respublika çempionatında təmsil edəcək komanda üzvlərinin seçim turu keçirilib və qaliblər müəyyənləşib.
Bu barədə AZƏRTAC-ın bölgə müxbirinə Peşə Təhsil Mərkəzindən məlumat verilib. Bildirilib ki, Azərbaycan Kulinariya Mütəxəssisləri Assosiasiyası tərəfindən təşkil edilən respublika çempionatı üzrə daxili yarışların ümumilikdə 8 peşə təhsil müəssisəsində keçirilməsi planlaşdırılır. “Qafqaz-Qəbələ” MMC ilə əməkdaşlıq çərçivəsində “Qafqaz Tufandağ Hotel”də keçirilən seçim turunda Peşə Təhsil Mərkəzinin 3 tələbəsi – Bəhruz Mahmudlu, Ceyran Aslanova və Xəyal Alıyev respublika yarışında iştirak etmək hüququ qazanıblar.
Seçim turunun qalibləri Peşə Təhsil Mərkəzi tərəfindən diplomlarla, digər iştirakçılar isə təşəkkürnamələrlə mükafatlandırılıb.
Forum iştirakçıları Ağdamın dağıdılmış abidələrini ziyarət ediblər
AXA-nın sədri Beyləqanda vətəndaşları qəbul edib, təsərrüfatlara baş çəkib
Azərbaycanda bu mövsüm pambıq sahələrinin sığortasında yenilik tətbiq olunub