Masallı, 4 aprel, İlkin Adıyev, AZƏRTAC
Masallı rayonunda yol-nəqliyyat hadisəsi baş verib.
AZƏRTAC-ın bölgə müxbiri xəbər verir ki, hadisə səhər saatlarında rayonun Sərçuvar kəndi ərazisində qeydə alınıb. Lerikdən Bakı istiqamətində Ələt-Astara magistralında hərəkətdə olan “Mercedes VİTO” markalı nəqliyyat vasitəsi qəzaya uğrayıb.
Hadisə nəticəsində 4 nəfər - 1953-cü il təvəllüdlü Mirzəyeva Gülxar Əzizan qızı (sol bazunun başının sınığı), 1964-cü il təvəllüdlü Sucayeva Gülnisə Seyid qızı (sol ayağın qamış sümüyünün aşağı 1/3-də yerdəyişən açıq sınığı), 1979-cu il təvəllüdlü Zülifiyev Dilqəm Akif oğlu (qapalı kəllə-beyin travması, beyin silkələnməsi, çoxsaylı əzilmiş, sıyrılmış yaralar) və 1998-ci il təvəllüdlü Həsənzadə Elçin Alışan oğlu (sol bazunun yuxarı 1/3-də yerdəyişən sınığı) müxtəlif bədən xəsarətləri alıblar. Onlar dərhal Masallı Rayon Mərkəzi Xəstəxanasına çatdırılıblar.
Sonuncu xəstəyə yardım edildikdən sonra digər xəstəxanaya təxliyə olunub. D.Zülfiyevin müalicəsi reanimasiya şöbəsində davam etdirilir.
Faktla bağlı araşdırma aparılır.