Quba, 3 aprel, Elxan Yusifli, AZƏRTAC

Buraxılış imtahanlarında Quba-Xaçmaz Regional Təhsil İdarəsinin tabeliyində fəaliyyət göstərən ümumi təhsil müəssisələri üzrə ən yüksək nəticə göstərən şagirdlər müəyyənləşib.
AZƏRTAC-ın bölgə müxbiri xəbər verir ki, Şabran şəhəri Məmmədağa Nəzirov adına 4 nömrəli tam orta məktəbin XI sinif şagirdi Xəlilzadə Sənubər Elnur qızı 296 balla şimal bölgəsində birinci olub.
Siyəzən şəhər Şirin İsmayılov adına 3 nömrəli tam orta məktəbin XI sinif şagirdi Həsənova Şükriyyə Aftandil qızı isə imtahanda 295 bal toplamağı bacarıb.
Xatırladaq ki, martın 3-də respublikanın 30 şəhər və rayonunda təşkil olunan imtahanlarda 52 mindən çox şagird iştirak edib. imtahanlarda 14 şagird maksimum (300 bal) nəticəyə nail olub.