Bakı, 2 aprel, AZƏRTAC

Kişi voleybolçuların Yüksək Liqasında növbəti oyunlar keçirilib.
AZƏRTAC xəbər verir ki, turnir cədvəlinin lideri "Azərreyl" autsayder MOİK-i sınağa çəkib. Görüş "dəmiryolçular"ın 3:0 hesablı rahat qələbəsi ilə yekunlaşıb.
Digər matçda isə "Murov Az Terminal" "Neftçi"dən üstün olub - 3:1.
Qeyd edək ki, bu nəticədən sonra "Azərreyl" 44 xalla liderdir. "Murov Az Terminal" isə 40 xalla ikinci pillədə qərarlaşıb.