“Bülbülün qonaqları” rubrikası növbəti dəfə Məmməd Səid Ordubadiyə həsr olunub
Bakı, 29 mart, AZƏRTAC
Bülbülün Memorial Muzeyində "Bülbülün qonaqları" rubrikası çərçivəsində görkəmli yazıçı, şair-publisist, tarixi roman janrının banisi Məmməd Səid Ordubadiyə həsr olunmuş tədbir keçirilib.
Muzeydən AZƏRTAC-a bildirilib ki, tədbirdə çıxış edən muzeyin direktoru Fərqanə Cabbarova vaxtilə qonşu olan bu iki dahi şəxsiyyətin həm dostluq münasibətindən, həm də yaradıcılıq əməkdaşlığından söhbət açıb.
Tədbirdə Ordubadinin libretto müəllifi olduğu Üzeyir Hacıbəylinin "Koroğlu" operasından Nigarın, Həsən xanın ariyalarını Akademik Opera və Balet Teatrın solistləri Fatimə Cəfərzadə və Taleh Yəhyayev səsləndiriblər.
Tədbirdə, həmçinin Azərbaycan Milli Konservatoriyası tərkibində İncəsənət Gimnaziyasının şagirdi Sevil Abdullayeva musiqisi Fikrət Əmirova, sözləri Məmməd Səid Ordubadiyə məxsus "Gülərəm gülsən" romansını ifa edib.
Sonda "Koroğlu" operasından videomaterial təqdim olunub.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir