Premyerası Bakıda keçirilmiş “Kalina krasnaya” filmi 50 yaşını qeyd edir
Bakı, 28 mart, AZƏRTAC
Sovet illərində lentə alınmış “Kalina krasnaya” (Qırmızı başınağacı – red) filminin bu il 50 yaşı tamam olur.
AZƏRTAC Rusiya mediasına istinadla xəbər verir ki, filmin premyerası 1974-cü ilin yazında Bakıda Ümumittifaq kinofestivalında keçirilib.
Filmin ssenari müəllifi və rejissoru görkəmli yazıçı, aktyor, kinorejissor və ssenarist Vasili Şukşindir. O, həm də baş rolu ifa edib. V.Şukşinin yaratdığı obraz – keçmiş məhkum Yeqor Prokudin həbsdən çıxdıqdan sonra, cəzasını çəkdiyi müddətdə yazışdığı qadının yaşadığı kəndə gedir.
Ekran əsəri Vasili Şukşinin sonuncu rejissorluq işidir. Çəkilişlərdə həm peşəkar aktyorlar, həm də sıravi insanlar çəkildiyinə görə ekran əsəri həqiqətən xalqın filminə çevrilib. “Kalina krasnaya” filmi Sovet İttifaqında böyük uğur qazanıb: ekran əsərinə 62,5 milyon nəfər baxıb, film bir neçə ali mükafata layiq görülüb, 2019-cu ildə isə “Mosfilm” tərəfindən restavrasiya edilmiş film yenidən prokata buraxılıb.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir