Bakı, 23 mart, AZƏRTAC

Ölkəmizdə cari ilin “Yaşıl dünya naminə həmrəylik ili” elan olunması haqqında Azərbaycan Respublikası Prezidentinin Sərəncamının icrası ilə əlaqədar Azərbaycan Ordusunda keçirilən tədbirlər davam etdirilir.
AZƏRTAC xəbər verir ki, müdafiə naziri general-polkovnik Zakir Həsənovun tapşırığına əsasən müxtəlif bölgələrdə yerləşən hərbi hissələrin ərazilərində növbəti ağacəkmə aksiyaları keçirilib.
Təbiətin qorunmasına töhfə vermək, ekoloji tarazlığın bərpasına, ətraf mühitin mühafizəsinə kömək etmək, atmosferi oksigenlə zənginləşdirmək və ictimaiyyətin diqqətini yaşıllaşdırma işinin vacibliyinə yönəltmək məqsədilə keçirilən aksiyalarda müxtəlif növ ağaclar və gül kolları əkilib, abadlıq işləri aparılıb.