Berlindəki “Xarı Bülbül” Azərbaycan Mədəniyyət Evi Novruz şənliyi təşkil edib
Bakı, 23 mart, AZƏRTAC
Almaniyanın Berlin şəhərində fəaliyyət göstərən “Xarı Bülbül” Azərbaycan Mədəniyyət Evinin üzvləri üçün Novruz bayramı şənliyi keçirilib.
Diasporla İş üzrə Dövlət Komitəsindən AZƏRTAC-a bildiriblər ki, Mədəniyyət Evinin nəzdindəki Azərbaycan həftəsonu məktəbinin ana dili kursunun şagirdləri bayrama aid şeir və mahnılar səsləndirib, “Ritm” rəqs qrupunun üzvləri isə milli rəqslərimizi ifa ediblər.
Ötən Novruz çərşənbələrində milli adət-ənənələrimizi öyrənən uşaqlar bu tədbirdə onları əyani şəkildə nümayiş etdiriblər. Uşaqlar “Xarı Bülbül” Azərbaycan Mədəniyyət Evinin rəhbəri Sevda Badliouri və Azərbaycan dili müəllimi Xəyalə Çiftçi ilə səməni qoyub, yumurta boyayıb, yumurta döyüşdürüb, milli şirniyyatlarımızı hazırlayıb, xonçalar bəzəyib və papaq atıblar.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir