Yusif Eyvazov Moskva Konservatoriyasında konsert verəcək
Bakı, 21 mart, AZƏRTAC
Martın 26-da Moskva Konservatoriyasının Böyük zalında italyan klassiki Cüzeppe Verdiyinin anadan olmasının 210 illiyinə həsr edilmiş “Verdi-qala” bayram qala-konserti keçiriləcək.
AZƏRTAC xəbər verir ki, dünya operasının ulduzu Yusif Eyvazov, həmçinin xüsusi qonaqlar Darya Rıbak (soprano) və Mahir Tağızadə (bariton) Cüzeppe Verdinin məşhur operalarından xrestomatiya ariyalarını ifa edəcəklər.
Konsert İvan Rudinin rəhbərliyi altında Moskva Dövlət Simfonik Orkestrinin müşayiəti ilə keçiriləcək, dirijor pultunun arxasında Rusiyanın ən parlaq gənc dirijorlarından biri Denis Vlasenko olacaq.
Konsertin təşkilatçısı Rusiyanın incəsənət və klassik musiqi sahəsində aparıcı agentliklərindən biri olan “Moscow Nights” konsert agentliyidir.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir