Əlahiddə Ümumqoşun Ordunun bölmələri poliqon və təlim sahələrində praktiki məşğələlər keçirlər VİDEO
Bakı, 15 mart, AZƏRTAC
Əlahiddə Ümumqoşun Ordunun (ƏÜO) Raket və Artilleriya birləşmə, hissə və bölmələrində döyüş hazırlığı üzrə praktiki məşğələlər plana uyğun olaraq poliqon və təlim sahələrində davam etdirilir.
Müdafiə Nazirliyinin mətbuat xidmətindən AZƏRTAC-a verilən məlumata görə, məşğələlərə özüyeriyən və yedəklənən artilleriya qurğuları, “Qasırğa”, “Smerc”, “Qrad” yaylım atəşli reaktiv sistemlər, minaatan batareyaları və radiolokasiya kəşfiyyat kompleksləri cəlb olunur.
Raket və Artilleriya birləşmə, hissə və bölmələrin hazırlığında əsas diqqət pilotsuz uçuş aparatlarından və qoşun kəşfiyyatı vasitələrindən istifadə etməklə şərti düşmən fəaliyyətinin izlənilməsi, hədəflərin aşkarlanması, atəş tapşırıqlarının yerinə yetirilməsi üzrə şəxsi heyətin praktiki vərdişlərinin artırılmasına yönəldilir.
Məşğələlərdə silahlanmada olan pilotsuz uçuş aparatlarını və lazer məsafə ölçənlərini tətbiq etməklə hədəflərin koordinatlarının dəqiq təyin edilməsi atəş tapşırıqlarının səmərəli həllində şəxsi heyətin hazırlığına öz müsbət təsirini göstərir.
Raket və Artilleriya birləşmə, hissə və bölmələrin döyüş hazırlığı səviyyəsi, atəş və atəşin idarə olunmasına və nəzarət kompleks məşğələlərində batareya və divizion tərkibində yoxlanılaraq qiymətləndirilir.
Türkiyənin Milli Müdafiə Universitetinin nümayəndə heyəti Azərbaycanda səfərdədir
Şəhidlərimizin xatirəsinə həsr olunan anım mərasimləri keçirilib VİDEO
Müdafiə Nazirliyi həftəlik icmalı təqdim edib VİDEO
“Şahin” hərbi-idman oyununun Bakı şəhəri üzrə zona mərhələsi keçirilib VİDEO