Bakı, 4 mart, AZƏRTAC

Təhsildə Qiymətləndirmə Xidmətinin (Educational Testing Service) növbəti TOEFL iBT imtahanı martın 6-da keçiriləcək.
Bu barədə AZƏRTAC-a Dövlət İmtahan Mərkəzindən məlumat verilib. İmtahan verəcək şəxslər saat 08:00-dan gec olmayaraq şəkilli şəxsiyyət vəsiqəsi və ya ümumvətəndaş pasportu ilə birlikdə imtahan binasında olmalıdırlar. İmtahan saat 09:00-da başlanacaq.
Yaşı 15 və daha aşağı olanlar imtahan binasına valideynləri ilə birlikdə gəlməlidirlər.
TOEFL iBT imtahanı haqqında daha ətraflı məlumat DİM-in internet saytında yerləşdirilib.