Saatlı, 4 mart, AZƏRTAC

Saatlıda yol-nəqliyyat hadisəsi baş verib.
AZƏRTAC-ın bölgə müxbiri xəbər verir ki, hadisə Hacıqabul-Bəhrəmtəpə-Mincivan avtomobil yolunun Saatlı rayonu Qıraqlı kəndi ərazisində qeydə alınıb.
Belə ki, qəza nəticəsində ağır xəsarətlər alan piyada Ədalət Əliyev həyatını itirib. Qəza törədən sürücü hadisə yerindən uzaqlaşıb.
Hazırda sürücünün saxlanılması istiqamətində tədbirlər görülür.