Bakı, 28 fevral, AZƏRTAC

Çilinin Valparaiso bölgəsində meşə yanğınlarından zərər çəkən ərazilərdə fevralın 2-dən qüvvədə olan fövqəladə vəziyyət rejimi daha bir ay uzadılıb.
AZƏRTAC “China.org” saytına istinadla xəbər verir ki, Çili prezidentinin sözçüsü Sofiya Qonzales fövqəladə vəziyyət rejiminin bölgəyə lazımi resursların tədarükünü asanlaşdırmaq məqsədi daşıdığını bildirib.
Çili Milli Fəlakətlərin Qarşısının Alınması Xidmətinin son hesabatına görə, meşə yanğınları nəticəsində ölkədə 6974 ev yanıb və azı 133 nəfər həlak olub.