Bakı, 24 fevral, AZƏRTAC

Qazaxıstanın Karaqanda vilayətinin Taldı kəndində iki mənzilli evdə baş vermiş yanğın nəticəsində dörd azyaşlı uşaq həlak olub.
AZƏRTAC Kazinform agentliyinə istinadla xəbər verir ki, rayonun fövqəladə hallar şöbəsindən verilən məlumata görə, yanğın zamanı ölən uşaqlar evdə tək olublar.
Yanğının səbəblərinin müəyyənləşdirilməsi istiqamətində araşdırma aparılır, ekspertizalar təyin olunub. Hadisə ilə bağlı cinayət işi açılıb.