Bakı, 24 fevral, AZƏRTAC

Çinin şərqindəki Szyansu əyalətinin Nankin şəhərində cümə günü səhər saatlarında baş verən yanğında 15 nəfər ölüb, 44 nəfər yaralanıb.
AZƏRTAC “Sinxua” agentliyinə istinadla xəbər verir ki, bu barədə şənbə günü yerli hakimiyyət orqanları məlumat yayıb.
İlkin araşdırma zamanı məlum olub ki, yanğın elektriklə işləyən mopedlərin yerləşdiyi binanın birinci mərtəbəsində baş verib.